ज्योमो गाङला कुरि
कोला लाइनु दोसि
पेरो तासि
म्हेर्सि टिबा
ङाला ह्युल्सा
नेपाल
थे न्हाङरिन मुला
ङा केवा ग्ला
ङाला ह्युल्सा
ङाला नाम्सा
थेरिन मुला
ह्युल्बासे स्हेङबा ह्युल्ठिम
ह्युल्बासे ह्युल्ठिम स्हेङसाइ
ह्युल्सा कोल्बा
चोहो गाउराइ मुल्मिसे
ह्युल्बासे बिबा ह्राङबा
गे आलाजि
आताजि ह्युल्बाला बिमा ह्राङ ।
ह्युल्ला चोहो खेन्बोसे
ह्युल्बाम कथोन स्होजि
पोगोरि ल्होम्जि
न्हाङस्या तेसि ग्लोङजि
ह्युल्सा न्हाङरि
ल्हामान ल्हेज्याङ लाजि
ग्ला ग्लारि होन खाजि
डुइ निजि
चाबा स्हेला साइ ल्हेजि
कोलाजुगु दिम थेमे न्हापरि
ल्हामान मुस्किल ताजि
चुङ्बा स्हे आरेना
ह्युल्बादा
सासे थिबा ह्राङबा गे लाजि
मुसे नाङबा ह्राङबा गे लाजि
थे तासि
ङा मुग्लानरि वाङजि ।
शान्तिला दोङ्बो
च्योम्दान्देला केसा
च्योम्दान्देसे उन्बा
थे ग्याल्हाम
ब्राबा ख्लाबा आरे
म्लेबा आरे ङाइ
ख्योल्सि ब्राबा आरे
स्ह्यान्दोला पेठिम लाबा आरे
तिरे शान्ति बासि खाला ह्या
नेपाल ?
तिमाल–५, काभ्रे
