ल्हुइला मि बार्ज्या छाङतोला

ल्हुइलामि बार्ज्या छाङतोला हादेबा खडकु ख्राङ्तोला
ल्होकोर च्युङि फ्लिक दोजि चु हाबा ल्होछार दाङ्तोला ।

निबामि दिङला थप डिपदा बुम्बामि डुप्सि साङतोला
सेरब खेसि बोम्बोसे तिङदो लादा म्राङ्तोला
स्हिवारि स्ह्युसि ह्रावा लाउ बिसि ताम एन पाङ्तोला
ल्होकोर च्युङि फ्लिक दोजि चु हाबा ल्होछार दाङ्तोला ।

लुङता थेन दार्ज्यु फ्योङ्तोला दिमरिमि याङखोर जाङ्तोला
लामासे ह्राङला ठिम जुसि सोसो लाकादे पाङ्दोला
आसेबा मुला होइ ह्याङला म्हि ज्यानालासि गोना पाङ्तोला
ल्होकोर च्युङि फ्लिक दोजि चु हाबा ल्होछार दाङ्तोला ।

नाङसि ज्योप्सि थान्बा चु तामाङ ह्युल्बादा थिदोला
ह्राङला बाप्सा सालिङमि बाउ तोजि बिसि रेदोला
डम्फु डाम्गेन ह्राप्सिमाम ताम्बासे दुइछेन ठाङ्तोला
ल्होकोर च्युङि फ्लिक दोजि चु हाबा ल्होछार दाङ्तोला ।
सिन्धुली