सर्लाहि । ताम्सालिङ जागरण अभियान मधेस प्रदेशला सर्लाहिग्याम तिबा मुला । पुसला १८ गते सर्लाहिला हरिवनरि ताम्सालिङ प्रदेश स्हेङबारि म्होकोन गिक तागे बिबा नारा सहित तामाङ थेन ताम्सालिङ स्हेङबा सम्बन्धि प्रशिक्षण तथा अन्तरक्रिया गेताङ स्हेङबा हिन्ना ।
नेपाल तामाङ घेदुङ सर्लाहीसे स्हेङबा थेन नगर घेदुङ हरिवनला व्यवस्थापनरि ताम्सालिङ जागरण अभियान अन्तर्गत गिक्छा चरणला प्रशिक्षण तथा अन्तरक्रिया गेताङ स्हेङबा हिन्ना।
गेताङरि ग्रेनडोन्बो घेदुङला संघिय चोहो मोहन गोलेसे बो किन्बाकादेदा ताम्सालिङला आवश्यकता, औचित्य, अवधारणा, कार्ययोजना थेन उद्देश्यथोरि प्रष्टा लाबान प्रशिक्षण दोन्बा मुबा ।
जिल्ला गेदुङला चोहो बुद्ध लामाला चोहोदनरि ताबा गेताङरि ताम्सालिङ संयुक्त संघर्ष समितिला सचिवालय सदस्य बाबुराम लोप्चन, घेदुङला मधेस प्रदेश चोहो यम लाल गोले, संघिय मुल्मिकादे जयमान पाख्रिन, निशा मोक्तान, पाल्साङ योन्जन, प्रदेश ह्रोचोहो संजीव मोक्तान, एकीकृत समाजवादि पार्टिला सर्लाहि चोहो सुरेन्द्र लामासे बो किन्बा मुबा । थेराङनोनलासि बागमति नगरपालिकाला उप–प्रमुख लिला कुमारी मोक्तान, हरिवन नगरपालिकाला उप–प्रमुख हरिमाया घलानला, बागमती नगरपालिका २ थे ७ ला वडा चोहो टेक बहादुर बल थेन दुर्गा लामा, हरिवन नगरपालिका २ थेन ३ ला वडा चोहो अर्जुन योन्जन थेन दिपमान लोप्चन कार्यपालिका मुल्मि चिनीमाया सिङ्तान, माओवादि केन्द्रला नेतृ पद्मा दोङ, नेपाली कांग्रेसला नेतृ सोनी कुमारी बोम्जनलगायत, धनुषा, महोत्तरी, सर्लाहि थेन रौतहटग्याम अभियन्ता, ल्होलो राजनितिक दलला प्रतिनिधि, लोप्खेन, समाजसेवि, बुद्धिजिविकादेसे बो किन्बा मुबा ।
