याम्बु । ग्योइकाइब्रिखेन राम लामा ‘अविनाशी’से ब्रिबा नियात्रा पोप ‘स्मृतिका बिम्बहरु’ ठ्वाङसेन लाबा मुला । ह्रेङ्बा दुइहेन्से फिर्ग्याप ह्युलरि चिसि नेपाली ग्योइकाइ थुमदा ल्हेना लाबारि गे लाचिबा अविनाशीला थे छ्योइला फागुन २८ कुनु शुरभि ग्योइकाइ प्रतिष्ठानसे स्हेङ्बा गेताङरि प्रा.डा. खगेन्द्रप्रसाद लुइँटेलसे ठ्वाङ्सेन लाबा हिन्ना ।
‘पिल्सिएको परदेशी मन’ थेन ‘सुगन्धित माटो’ छ्योइ ब्रिजिन्बा ग्योइकाइब्रिखेन अविनाशीला क्योलोले ठ्वोङसेन लाबा नियात्रा पोप सोम्छा छ्योइ हिन्ना । थे छ्योइरि ल्होलो ह्युलला ल्होलो म्हि थेन घटनाजुगुतेन ताबा सेमछुबा डान्बा पोप्बा मुला । गेताङरि प्रा.डा. लुइँटेल, समालोचकजुगु गोपी मैनाली, युवराज मैनाली, लीला लुइँटेलसे छ्योइफिरि ल्हेङ्मो थान्मुबा । ग्योइकाइब्रिखेन लामासे डा. एपिजे अब्दुल कलाम ईन्टरनेश्नल अवार्ड २०२२, रारा राष्ट्रिय म्युजिक अवार्ड २०२२, हिमालयन इन्टरनेशनल जुरी अवार्ड २०२३ ह्राङ्बा उत्कृष्ट अवार्ड, डेनस्यो थेन र पुरस्कार याङ्जिन्बा मुला ।
