ङाला माम

रेदाङसिन ङ्योइमुला ङाला मामसे
हिन्ना तिनिदोना
याम्बुला स्ह्याल म्राङबा आरे
खाराङबा मुदाला थे याम्बु ?

ङाइ चु नाम्साग्याम च्याबान मुला
चु थोबोरि तार म्हेन्दो सार्सि जिन्जि
थेमुला प्लेक तासि जिन्बा ङाला न्हाबेङकादेसे
म्राङमुला ज्योम्बा स्ह्यालसे ।

रेदाङसिन लादाङसिन
पोमुला रो याम्बुला रेकादे
छाङरि छे युबान
ज्यामुला मामसे याम्बु च्याबा रे
कोमुला सेम न्हाङला ह्वाइ
च्यामुला ऐनारि ज्योम्बा लि ।

दोसिन डान्मुला तिरेम
याम्बुला लि च्याम्याङसाम
ङाला ज्योम्बा लिनोन ज्युम नेसेला तला
खाइ खाल्से बोर्सि पिन्ला
ङाला थे याम्बुरि
ङादाइनोन ङाला याम्बु च्याम्याङबा
गोर्गिक परिचयपत्र बाउ ।
काभ्रे