युङ्बा थिसि फुइबा कोम्हेन्दो
ए तिलासि दोखाम्जि सकम्बरि ?
म्लेजि एसे ?
थोर्जि ए ?
लोभि भमराला चोकग्यामसे
चिबु ताला बिसि
ठाङ कोङ्बा खपडा न्हाङ्रि सार्बा
कामुक भमराग्याम ख्योइबा÷लाबा
ह्राङला पेजङ्ला सुरक्षारि फाइ दोबा
ए ! सार्ला चोक लाला बिसि
म्हाङ म्राङसि टिबा लोभि बुलुङ
दोङ टारि रुङना रुङना
ए सारबा आम्राङमा
सेम ब्रेसि ब्लाब्बा लिच्छा
एला पेजाङ ब्यान आखाम्बा लिच्छान हिन्ना
ए चोखो चिबु आताबा म्हेन्दोमाया ।
म्हेन्दो माया,
फोइथान फोरि चाबा स्हे युला बिसि
क्युइ म्हाइसि ब्राबा ग्वाकलिङ ह्राङ
चुर्से ओर्से तानाताना ब्राना ब्राना
याम्बुरि वाङ्मा,
वाङबा छ्यापरिन
ह्राङ्लान म्हिग्यामसे शोसान तामा
एला ल्हुइरि आपमानला म्युङगुरसे जोब्सि
सिबा सोबाला गुङरि दोमा
खालाइग्यामसे ह्रो आस्याब्मा
सेलयुङ ह्राङ ठाङ कोङतोबा दुइरि
प्रतिरोधला ङ्हार्बा काइ क्रिङतोबा दुइरि
ए तिल्दा लोङसाङ, निरिह ताजि
म्हेन्दोमाया ?
ए तिल्दा ताइ्स्या दोजि म्हेन्दोमाया ?
नमोबुद्ध, काभ्रे
