गजल

सारि आहिन दिनिदा च्यागो मुरि स्याप्ला
प्राङबोला ल्हुइमि दुङाल स्हेर स्हुरि स्याप्ला ।

ठगान आरे दाङबोरि कादे पुइजि दोइला पहाड
साइमि ढाक्रे म्हेम्हेला ङ्होला टुरि स्याप्ला ।

मःम चाउमिन पिज्जा वर्गर बिमाइ चुरि
चासिम च्यागो ब्रोइमि पोलो खुरि स्याप्ला ।

जाम्बुलिङला खाप्पाइ बिमा सेम ताङबा ग्लामि
डिन्छ्यान आमाला डोइ हाबा कुरि स्याप्ला ।

चाङ्बा चेगाइ लाला देन्बान सेम न्हाङसेन
च्यागोम एसेन ङाला तिङला गुरि स्याप्ला ।
हरिवन न.पा.–७, सर्लाहि