ह्युल्बाला थोप्ताङ ब्यान्जि बिसाम

ह्युल्बाला थोप्ताङ एसे, ब्यान्गे लाजि बिसाम
प्राङ्बोला दुङाल फिरि, क्लाङ्गे लाजि बिसाम
लाबा लुङ्सुर रेला, मेरि मेल्वान लुङ्ला
गाङरि डुइ निखाम्ला, युङरि मेल्हम ठुङ्ला ।

मुठि नाङ्ला गि ङ्ही म्हिदा, ठिखाङ ताम ताखाम्ला
टुबाक आहिन छेबा ग्लारि, हाइड्रो बम ताखाम्ला
ह्युल्बाला थोप्ताङ….
प्राङ्बोला दुङाल……।

उइमा ङ्हाउसे राणा शासन ग्लेला रिमठिम चाइन
दाङ्बो दुइला ङ्हाउसेला ह्राङ, ह्याङला रिम आहिन
थोला बज्र ताइसि क्योङ्नोन स्योपक्रो खाम्ला
स्योर्गे गान्दि ब्योङ्सि तोरमार छ्योल निखाम्ला

ताम्सालिङरि ह्याङ्ला रिमठिम, ख्योल्ना लाजि बिसाम
ह्याङ्ला ग्याल्सा, ह्याङ्ला नाम्सा छ्योल्ना लाजि बिसाम
मुनोन फ्रोलताइ खाम्ला, सानोन होसफ्रे खाम्ला
परमाणु ताइ खाम्ला, जाम्बुलिङ म्हा खाम्ला