ह्याङ्ला म्हिगादे
खाइमाम ग्राङ म्हाङरि
ग्रेन ग्रेन म्हाङलान ताङरि
न्हुप्पान म्हाङला ग्योरि चिसि
क्याङसि चिबा म्राङ्मु
पिराब ताबाला नोइरिन चिसि
तिरे ङ्हिरे हिन्साइ
सेमगादे थुइसि लुङस्युसि
रिल्नोन् ख्वाइगे बिसि
बुफ्राला खोर्लोगादेन कोर्बा म्राङ्मुला ।
खाइमाम
फक तोइमा चोन निसि
फेत छोर्वाला छोर्ङान खासि
थोम थोम बोर्बा म्राङ्मु लिसो लिसो
ख्रेन्बा दुइरि स्याप्पसे
म्लेबा दुइरि लोप्पा कुल्बा गे
स्ह्यान्सेन ख्वामाम ब्रोइ खाजनाम
ब्राबा म्राङ्मु ह्राङ्लान कोर्कान चासि
तिगा था थेदा
उइमा हेन्छे दात्ते दोनान
आसेना चाबा कोर्कानसेलामा
म्हाङ न्हाङला छोर्ङानसेलामा
ज्याना लासि आबुबा
बुसाइनोन आटुबा
आल्पाङ तिङगादे
बुनागि सोनागि टुनागि
थुइला बिबाम खानाङ खानाङ
गिसेम गिला तिङगादे
थिबा म्राङ्मु टाङ्बा म्राङ्मु ।
नाख्रु हेन्छे स्या, कादोना साप्चिबा
थे नोइगादे देप्पेन लोङ्बा म्राङ्मु
न्हाङ न्हाङरिन् सुप्पा काइगादे
टा आरेबा दोङगादे
दोखाङ आरेबा ग्यालामगादे
स्ह्यान्दामि तिगा पाल लासे
ग्याम च्याबान ग्यापग्यापरि लाबान
म्हाङ राबान, प्यात्बान
सेम क्राबान नाबन लाबा म्राङमु
ह्याङ्ला म्हाङगादे ।
पनौति, काभ्रे
