तामाङ को–अप्रेशन सोसाइटी अफ क्यालिफोर्निया दिमथेमेसे क्यालिफोर्निया राज्यला सान फ्रान्सिस्क्को बे एरियारि सा थेन दिम ग्लुबा मुला ।
दान्नाइ 𝟏 𝐀𝐂𝐑𝐄 (८ रोपनि क्षेत्रफल) मुबा चु सारि तामाङ सांस्कृतिक सामुदायिक केन्द्र स्हेङसेला मुला । सा ग्लुजिन्माहेन्से तामाङ को–अप्रेशनला चोहो सुरज पाख्रिन थेन ग्रेनगौराइ ग्याल्पो योन्जनसे ह्रो लाबा मोक्कोनदा थुजुछे फुल्जि ।
सा थेन दिम ग्लुबा ग्ला
सोसाइटिसे ह्राङ्ला फेसबुक पेजरि बिबा मुला, ‘तामाङ सांस्कृतिक केन्द्र ग्लुबारि सफल तामा ङानि गौरवान्वित तामुला ओम ङानि चु ताङबा ह्राङ्नि मुतेबा नेपालि समुदायतेन देब्ला ।’ सांस्कृतिक केन्द्रला लागि चुह्राङ लासि सा थेन दिम ग्लुबा गिक्छा रेम हिन्ना ।
चु सांस्कृतिक केन्द्र तामाङला छ्याम नेपालि थेन स्थानिय समुदायला लागि ठ्वाङसेला मुला ।
सन् २०१० रि तामाङ को–अप्रेशन सोसाइटी अफ क्यालिफोर्निया स्हेङ्बा हिन्ना । ह्राङला गे सफल ताबाला ताङबारि दातेला कार्यसमितिसे स्हेङ्बा दुइहेन्सेला चोहोजुगु रतु लामा, प्रकाश लामा, कुमार दोङ्, प्रेम लामा दोङ, शेरबहादुर लामादा सम्मान व्यक्त लाबा मुला ।
ओस्बान लासि स्हेङ्खेन मुल्मिजुगु राजेन्द्र लामा पाख्रिन, विद्यासागर योन्जन्, ज्ञानदीप लामादा नोन सम्मान व्यक्त लाबा मुला ।
सोसाइटिसे कार्यसमितिरि आचिनान सातान गेताङरि ह्रोलाबाजुगु ज्ञान लोप्चन, बुद्धिमान तामाङ, बिजय लामा, आनि याङ्जि लामा, रेनु लामा योन्जन, कल्पना लामा, पार्वती लामा थोकर, सरिता स्याङ्बो, सुनिता लामा, फुलम योन्जन, निराज लामादा नोन थुजुछे पिन्बा मुला ।
ओस्बान लासि निना लामा, सन्तोष ब्लोन, डिएस लामा, तिर्थ दोङ, बुद्ध लो तामाङ, राजेश मोक्तान गोबिन लोप्चन, श्रद्धा मोक्तान, रविश वाईबादा नोन थुजुछे पिन्मुला ।
ङ्हाच्छारि योगदान पिन्बाजुगु ड्यानियल तामाङ, सुमिता तामाङ, स्वर्गीय रमेश लामा, सुर्य मोक्तानला योगदानदा नोन डान्बा मुला ।
सा थेन दिम ग्लुबारि ल्हाना न्होर दोन्बाजुगु साइतमान तामाङ, निरु राई, माइली दोङ, सन्दिप के.सी., मनिश थापा, पल मोक्तानदा बिसेस थुजुछे पिन्मुला ।
दिङ ब्लिहेन्से न्होर ह्रो लाबाजुगुला विवरण नोन सोसाइटिसे सार्वजनिक लामुला । विवरणरि तोरमार तासाम कोषाध्यक्षदा सम्पर्क लाबारि नोन पाङमुला ।
विवरण स्हिगो :
