जाम्बुलिङदा सोगे

दोर्जेग्याडमसे ठुङ्बाला चु जाम्बुलिङ
तोङ्मा राङसिङग्याम दान्देदोना
म्हि थेन सेमचेनसे प्लिङ्बाला चु जाम्बुलिङ
दान्दे, साक्लोन म्हिला छोरवाङसे ङोसेमुला ।

गादे ज्याबा चु किलखोरला ल्हेज्याङ
दान्दे, दोङ्बान मुला ।

म्हिला दिक्पा कर्मा राङ्राङ्ला ग्रुसासे
चु जिक्तेन नोङ्बाला नोङ्जिम
बोङबा छात्पासे लोङ्जिमु निङ्कोर
दोसि जामखोर माजिङ गिकला छ्याइबा मुला ताला ।

क्रेन्जाङ ह्युल्ला गोबोन बिबादुगुसे
चु गादे ज्याबा जम्बुलिङ्ला
म्हिला छोरवाङदा जिन्बाला माइबान मुला ।
होराङ्से, सिवा बाबारि चु जम्बुलिङ्रि
फोकनोन्से ज्योम्बाला साङ्ग्युर फ्रेल्तोला
टोङ लासि बेनानसे
चु जम्बुलिङदा सोतोला ।

डुवर्स अलिपुरद्वार (भारत)