आमाला सेमताम

छार्सिम सुख याङ्लावा बिमा, ए कोला निजि म्हिला ह्युलरि
ङाला कर्म चुराङ्पान टिम, निलावा म्हान्जि दुङालरि ।

योनोन रेसि दिम धान्दा, दोस्सि क्युइला वातिरि
दिनि फेमा छेः खान्पारि, दोला दोमान डुइ दिरि
कानचापा दुइला गान्र्हाङरि, फोतोतो बोल्सि गेः लाला
सुङ्नाङ चापा चाइ लमा, ए जिसि मिख्लिला भल खाला ।

पिन्पारि तिलाइ अखाम्जि ङाइ, केवा पिन्पान ग्रेन म्हान्को
एसे म्हान्पा छ्योकाइ कोला, दिमला दुङाल अडान्को
ह्युल्ला अवस्था थेराङ्पान, अनितोपा निसि जिन्जि
ए निपा छेला पिर अलाउ, बुः ह्वारा चुङ्सि फाः पिन्जि ।

अज्यापा मुसाम दोसि खाउ, अन्हाम बिसाम ज्याना लाउ
सुर्ता अताउ थाक्राको, दुइरि जिसि चापा चाउ
एला ल्हुइरि ज्यापा तपा, दुनियाँसे म्राङम्याङ्काइ
ङा दुखि आमाला मोलाम कोला, लानि दिनि ह्राङ्नोन छेह्रेङगाइ ।

तेमाल–७, काभ्रे ।
दान्ते : टोकियो, जापान