गिकजेन निउ ले !

एला म्होइबा थाइमासम
खालाइ म्हि आखामा
बिसाम
गिकजेन ब्रान्सि निउ ।
गिकजेन निउ, गिकजेन निउ गिकजेन निउ ले !
खालाइसे ताम आपाङ्मा
ओन्छ्यान !
ह्यार्सेन सुङ फ्लिक दोसामा
ओसेम, लोङ्जि बिसाम
कु फुत्साइ, बङ रुप्साइ
एला सुङ ठोङ्सि
सेमला ताम थान्सि
गिकजेन ब्रान्सि निउ ले !
ह्यार्सेन गो हुन्सामा
ओन्छ्यान !
आदेबा ग्यामरि ब्रामा
पुजुसे ब्लोबा ग्यामरि
वाइफुर गोङ्मा जुसि
आइ गिकजेन निउ ।
ग्यामरि ह्याल आस्यापमा
ओन्छ्यान !
लावा लुङ्सुरसे तासम
मुन्थोप मुनारि
म्राप ठोक्सामा
तिप्लिङ फिक्जिमा
एला कुला राइ क्रोसि
गिकजेन राङ्से
राङदा दिबा लाउ ।

दोःबा : प्रदीप ब्लोन
डुवर्स अलिपुरद्वार, (पश्चिम बंगाल), भारत ।

दो:बा : प्रदीप ब्लोन