ज्योति विकास बैंकसे ह्रेङ्बा दुइदोना सेवा लाबा कर्मचारीजुगुदा अनुकरणीय सेवा, समर्पण थेन योगदानला लागि डेन लाबा मुला । बैंकला उद्देस्य थेन ध्येय स्याप्पाला लागि स्होबा साइ मान्यताजुगुला टारि बैंकला पोबा होइसेर ल्हेना लाबा संकल्परि १५ दिङ दोना अनवरत लिरि ह्रोल्हाम लाबा कर्मचारीजुगुदा डेन लाबा हिन्ना ।
बैंकला केन्द्रिय गेदिमरि ङ्योइबा डेन गेताङरि बैंंकला प्रमुख कार्यकारि अधिकृत कपिल ढकालसे कर्मचारीजुगुदा डेन लाबाला छ्याम कर्मचारीजुगुला ल्हुइ बिमा परिपक्वताला न्होर नोन पिन्मुबा । डेन लाबाजुगुरि विकास रानाभाट, प्रमिला केसी, जमुना रिजाल, अनिता राई थेन होमकुमारी बस्नेत मुबा ।
गेताङरि प्रमुख कार्यकारी अधिकृत ढकालसे कर्मचारीजुगुसे दिङछाहेन्से बैंकरि लाबा समर्पणफिरि हार्दिक आभार पिन्बान १५ दिङला गौरवपूर्ण ह्रोल्हामदा सफल थेन कोङ्ना लाबारि सफल ताबा कर्मचारीजुगुफिरि आउदिन अनुगृहित तासि हार्दिक कृतज्ञता पिन्मुबा । छ्यामरि, दारेला ल्हामरि नोन थेनोन आन्सारला योगदान तासेला विस्वास थान्जि ।
ह्राङ्ला खुद मुनाफाग्याम नेपालरि दाते संचालनरि मुबा स्यान्दो बैंक थेन बित्तिय गेन्दुनजुगुसे सामाजिक उत्तरदायित्वफिरि सामाजिक गेरि लाबा योगदान बिमा ५० प्रतिशत ल्हाना न्होर फेसि समाजफिरि उत्तरदायि दोबा चु विकास बैंकसे नागरिक सर्वोत्तम हित सातान तोर प्राथमिकतारि थान्मुला । थेनोन मान्यतादा आन्सार क्योलोलो ज्योति विकास बैंकसे १५ जना शारीरिक लिसे फेबा सक्षम नागरिकदा कृत्रिम या बोलामुबा । गेन्दुनगत सुशासनदा थोबोरि किन्सि ग्राहकवर्ग, कर्मचारी, नियामक निकाय, शेयरधनी थेन मुतेबा सरोकारवालाला हक हितरि योगदान पिन्बा ज्योति विकास बैंक सातान प्रतिबद्ध मुला ।
ज्योति विकास बैंकसे दाते १२१ शाखा गेदिम, ३ विस्तारित काउन्टर थेन ७५ वटा एटिएम ग्याम्से बैंकिङ सेवा पिन्सिकेन खामुला ।
