न्युु होली क्रस लोप्खाङसे ङ्योइसाङ लाबा ‘लोप्खेनतेन कुलपति’ गेताङ नेपाल प्रज्ञा प्रतिष्ठानला कुुलपति भुपाल राईला ग्रेनडोन्बोरि थुम्जि ।
चितवनग्याम्से तिबा ‘सांस्कृतिक सत्ता थेन च्योच्योला लागि’ बिबा अभियानला लिच्छाला शृङखलाला ‘लोप्खेनतेन कुलपति’ गेताङ चुपाल्छे याम्बुुला मनोहरारि मुुबा न्युु होली क्रस लोप्खाङसे ङ्योइसाङ लाबा हिन्ना ।
कुलपति राईसे प्राज्ञिक सांस्कृतिक ल्हेङना लाबारि नेपाल प्रज्ञा प्रतिष्ठानसे योगदान पिन्सिकेन खाबा मुुला बिसि पाङ्जि । दारे ‘मुुतेबा ग्योइ मुतेबाला ग्युुइ प्रज्ञा प्रतिष्ठान’ बिबा उद्घोषला छ्याम नाम्सा नाम्सा दोबा थेन गिक्खे तालसे संचालन तासिकेन खाबा प्रतिष्ठानदा मुतेबाला स्होबा सेमसे निरन्तर गे लासिकेन खाबा मुला बिसि पाङ्जि ।
राईसे स्हेङ्बाला ६७ दिङ दोना प्रतिष्ठान क्योङ्ला ओन्छाङ दोबारि आखाम्साइ दारे मुतेबा ग्लारि दोसेला मुला बिसि पाङ्जि । चुनोन उद्देस्य आन्सार न्यु होली भिजन लोप्खाङला शिक्षक, अभिभावक थेन लोप्खेनसे कुलपति राईदा प्रज्ञा प्रतिष्ठानला योगदान, महत्व थेन भुमिकाफिरि जिग्यासा थान्सि तामरि बो किन्बा मुुबा ।
ल्होलो ङ्योइबा थेन जिग्यासाफिरि कसाल पिन्बान कुलपति राईसे पाठ्यक्रम स्होमा सुताइ नेपाल प्रज्ञा प्रतिष्ठानला बो तातोबा बिसि पाङ्जि ।
