काइमो सारा थिङसे ‘चन्दन स्युक्पा धुप राम्रो’ सेलो व्हाइ बजाररि बाबा मुला ।
व्हाइरि काइपा फूलकुमार बम्जन थेन काइमो सारा थिङला काइ मुला । काठमाण्डु डिजिटल स्टुडियोरि रेकर्डिङ ताबा चु व्हाइला भिडियो बिबेक बम्जनला मुला ।
व्हाइला एरेन्जर पवन वाङ लामासे लामुला ।
‘चन्दन स्युक्पा’ व्हाइ बजाररि खामाहेन्से चु व्हाइ तिल्दा ङ्यान्दोबा बिबाफिरि काइपा फूलकुमार बम्जनला ताम मुला— ‘गिक्खे जातीय ह्युल थेन याखारगि ह्युल स्होबा संचालन लाबा मिनरि नेपालला कु थेन ताज्या थुमला युगिन सा थेन ग्योइ, गोइलोफिरि नाङ्साइ दातेदोना छोन्बो मुला । ङ्हेप्बा गे लाबा श्रीपेच वाला ग्लेजुगु थेला ग्योइ, गोइलो थेन ल्हुइसाइलि (मक्काप म्रिपा) तासिकेन निमुला ।
दाङ्बो दुइ बिसे वा ज्योमोगाङ क्रेबा ङ्हाच्छा ब्रातोबा न्हुपहेन्से गुङन्हुप, पुर्वान्चल थुमदोना ल्हेबा गाङदा म्हिचिबा ग्ला स्होबा बोन दुइहेन्सेला दुर्साजुगु डोजि बिसाम तामाङ नेचर स्याप्ला थेदुइरि लिपी आरेबा, थेदुइरि तामाङ मुबा । छिग दुइला बिकास धर्मग्याम ताबा म्राङ्मुला । लामा छ्योइ, सम्भोटा बौद्ध थेन संस्कृतग्याम हिन्दु थेला अभ्यास धर्मप्रचारसेन जाम्बुलिङनाङ ल्हेमुला ।
नेपाल ग्योइ ताबान देवनागरी लिपीदा हतियार स्होसि जनै क्वान्बाजुगुसे सत्तारि राज लाबा ताङ बोबारि दिङ च्युइला जनयुद्धसे ऐतिहासिक भुमिका क्लाङ्बा तासाइ नोन तामाङजुगुला ओन्माला म्हाने, गुम्बाला मेला जात्थार व्हाइकोबा ठिमदा नाम्साग्याम्से बिस्थापित लासि पिन्बासे बाध्यतासे ह्राङला लोकलपन म्हाइसि रेकर्डिङ लासि भिजुअल लासि जाम्बुलिङरि तामाङ ठिम ङोसेना लाबारि ङान्तेन रहरला छ्याम बाध्यता नोन मुबा । तिनि सरकारसे ह्रो आलासाइ तामाङ नागरिकजुगुसे ह्राङ्ला सभ्यताला लागि अरबौं लगानी लाजिन्मुला । दारे ङा तामाङ ताबालान कारण सितोबा, पिपा, ढाक्रे, ग्याप्पा, झारो भरिया तातोबा रे निबा मुला ।
ह्राङ्लान सा, सभ्यतारि छार्बा दाङ्बोला लय म्हाइबा ताङरि मुला थेतासिम चुह्राङ्बा व्हाइ बजाररि बाबा मुला प्रतिक्रिया पिन्स्ह्युगो ।’
