मरिण गाउँपालिका, सिन्धुलीसे शैक्षिक गुणस्तर सुधारला लागि छार गे तिबा मुला । गाउँपालिकाला सभाहलरि बुधबार गिक्खे गेताङ थान्सि ५१ थान आईसीटी सामग्री लोप्खाङला चोहो थेन प्रधानाध्यापकदा पिन्बा हिन्ना ।
गाउँपालिकासे १७ वटा सामुदायिक लोप्खाङदा सूचना प्रविधिला डिजिटल उपकरणजुगु पिन्बा मुबा । काकार लोप्खाङ डेढ लाख बिमा ल्हाना न्होरला लगानीरि गाउँपालिकासे सामुदायिक लोप्खाङला लागि ल्यापटप, प्रोजेक्टर थेन प्रिन्टर (आईसीटी सामग्री) पिन्बा मुला ।
गाउँपालिका न्हाङरि मुबा सामुदायिक लोप्खाङजुगुदा स्मार्ट कक्षा संचालनला छ्याम शैक्षिक गुणस्तर सुधारला लागि प्रोत्साहनला लागि आईसीटी सामग्री पिन्बा गाउँपालिका चोहो विमर्श मोक्तानसे पाङ्जि ।
सामग्रीला उच्चतम प्रयोग लाबान शैक्षिक गुणस्तर सुधारला अभियानदा प्रभावकारी स्होबारि ह्रोसे फ्यास्हिङ नोन लाजि । मरिण गाउँपालिकासे बिजुली थेन इन्टरनेट सुविधा दोजिन्बा लोप्खाङ्दा प्रविधि मैत्री स्होबारि सूचना प्रविधिला डिजिटल उपकरणजुगु पिन्चिबा मुला ।
लोप्खाङदा प्रविधिमैत्री स्होबारि ल्होलो रेम शिक्षकजुगुदा कम्युटर चलप लाबा तालिम सुताइ पिन्मुबा ।
