चु ह्युल्ला साप्रासे बिमुला
चु ह्युल्ला युङ्बासे पाङमुला
ह्याङ्लानो वाला का चुरिन ब्लोङबान मुला ।
ह्याङ्लानो लेप्पा टु चुरिन ताइबान मुला ।
ह्याङला गोदेबा जोजोसे चु ह्रि–ब्लेरि साङबोला दाङरि सेमला दुङाल छ्योल्बान मुला ।
ह्याङला नाङबा नानासे कुला खोबा बामलासि ख्रेन्बा–फ्युबा न्हासि
चुरिनला ब्लु सुबान मुला ।
गाङयुङसे बिमुला, स्योङस्युङसे बिमुला,
ह्याङ्लानो वाला का चुरिन ब्लोङबान मुला,
ह्याङ्लानो लेप्पा टु चुरिन ताइबान मुला ।
ह्याङदा ज्युत्पा आझिनो,
गाङ खाइमाइ आकुरबा,
कुरि बङ मुनमुला क्युईलिङ खाइमाइ आखारबा ।
ह्युल्ला बिसि सिबाला दिनि थेन लानि ङोन्खेन मुला ।
ह्याङसे ता का आलानि, स्यान्दो ता लाबा लेङबा मुला ।
मुसेनो बिमुला, लावासेनो बिमुला
ह्याङ्लानो वाला का चुरिन ब्लोङबान मुला
ह्याङ्लानो लेप्पा टु चुरिन ताइबान मुला ।
दोःबा : प्रदीप ब्लोन
(हरिभक्त कटुवालला केवारेरि ह्रोला ह्वाइखा दोःबा प्रदीप ब्लोन)
