याम्बु । तामाङ बौद्ध सेवा समिति संगमटोल–१३ पोखरासे डा. दिनेश स्याङ्बो तामाङदा डेन लाजि ।
डा. तामाङ इटालीला सियाना विश्वविद्यालय ग्याम प्रविधि नुररि (पिएचडी) जिन्ना लासि नेपाल दोखाबा हिन्ना ।
ग्रेनडोन्बो गण्डकी विश्वविद्यालयला कुलपति प्राध्यापक डा. गणेशमान गुरुङसे नाङ्साल म्रासि गेताङला ठ्वाङसेन लासि नाताबाद थेन कृपाबादसे लासिमाम सक्षम म्हिदा ह्युलरि चिसि सेवा लाबा वातावरण दाते आरेबा ल्हेङ्मो थान्जि ।
‘लाखौं खर्च लासि ल्होलो संघर्षसे डोबा जिन्ना लासि ह्युलरि दोस खाबा ब्योनजुगुदा जागिररि नियुक्ति लामा खाजिबा पार्टीला, खाल्ला म्हि बिसि ङ्योइसि जेक्खे नियुक्ति लाला बिसाम चुबिमा दुङाल तिला ताखाम्ला ? सक्षम म्हिसे ह्युलरि क्षमता आन्सारला पारिश्रमिक आयाङ्बा स्यान्दो दुङाल पक्ष हिन्ना’ गुुरुङसे पाङ्जि ।
डेन तामाहेन्से डा. तामाङसे ह्राङ्ला शैक्षिकल्हामला अनुभव स्यान्दोतेन बोलामुबा ।
गेताङरि नेपाल तामाङ सङ्घीय घेदुङला ह्रोचोहो दीपक तामाङ, जिल्ला घेदुङ कास्कीला गौराइ मिनमाया तामाङ, महानगर घेदुङ पोखराला प्रमुख ग्रोइपा टेकबहादुर स्याङ्बोला छ्याम ल्होलो डोन्बोजुगुसे ज्याबाम्हान्बा सेमताम थान्मुबा ।
गेताङरि तामाङ बौद्ध सेवा समितिला ह्रोचोहो शेरजङ बाइवासे डेनसेमताम थान्मुबा । गौराइ पवित्रा तामाङसे स्याङ्बा गेताङ गेन्दुनला स्हेङ्खेन चोहो विष्णु योञ्जन तामाङला चोहोदानरि ताबा हिन्ना ।
