सारी ह्युल्बाइतेन डोबा लोप्पारि खाला ?

सारीलान नाच्युग्यामसे ताइसि
सारीलान डोइरि छार्सि
ङाह्राङबा खालाइ आरे छोर्बाला ताकि कुसि
आज्याबा ह्रिक्पाला कोट क्वान्बान
सेम आनिबा सत्ता क्रिङला
‘सारी ह्युल्बाइतेन डोबा लोप्पारि खाला ?’
एसेह्राङ लासिन कक्षाकोठान्हाङरि
आज्याबा ह्रिक्पाला गोङमा ल्हेबान
ङाह्राङबा खालाइ आरे बिबान
ह्राङ जोक रेसि म्योबा ह्रिक्पाला ह्वाइ आको ङानिसे
खाम्बा स्होसि हतियारसे आथानि
लोप्डासे स्हेङबा स्हे
ओम
भासनरि आपाङनि स्हेरला जोक
ङानिसे ह्राप्सिन टिला
ह्राङला गेला ह्वाइ थेन ह्राङला ङ्हाज्याङ ह्वाइ
ओम ङ्याना लासिन टिला ह्राङसे सेबा गेला सारेगम
हिन्ना, ह्रेम्बोर्छे
ज्यानालासि खाला ङानिदा
सारी क्वान्सिन डोबा लोप्पारि
सारी क्वान्सिन गाडी स्याङबारि
साइकल, स्कुटी थेन बाइक स्याङबारि
ओम सारी क्वान्सिन प्लेन थेन हेली फ्याङना लाबारि
सारी क्वान्सिन चेकाइ लाबारि ओम सारी क्वान्सिन नेतृत्व लाबारि
सारी क्वान्सिन रनभूमिरि राप्पा हिन्ला
सारी क्वान्सिन ग्रेन शिक्षा किन्बा हिन्ला
सारी क्वान्सिन नासाला वैज्ञानिकए नाचेन दोबा हिन्ला
ङाला गोडाल, ङाला दाम्बा
ङाला क्वान्बा, ङालान ङोसेबा
होसियार ह्रेम्बोर्छे,
थालाउ लेबाफेबा
ङानि सारी क्वान्सिन
लाबारि खाम्ला एदा ताहा !

दोःबा : ईश्वर थोकर