एसे जाम्बुलिङला
जेबा म्हेन्दो फुल्सि ज्याल्बा
एला ला
म्हेन्दोबिमाइ नोन जेबा म्हिदा थुर्बारि आताबा स्हे स्होला
ङा एला लाला लेबाफेबाला ग्लारि आज्यानालासि राप्सि टिमुला ।
एसे जाम्बुलिङला
जेबा चेजुगुरि रोबा चाबास्हेजुगुदा सोर्सि ज्याल्बा
एला ला
लाथान, मस्जिद, चर्चला ओन्छाङ
छ्याम्बानाङ चाबा ह्रिसिटिबाजुगुदा सायार लाबारि आखाम्नि
ङा एला लाला चेकाइ आलाबाला ह्रिक्पाला ग्लारि आज्यानालासि राप्सि टिमुला ।
एसे ग्लिङला नाताङहेन्दे
गान्दिला ह्वेलदा सोर्सि ज्याल्बा
जाम्बुलिङक्योङला का चाबा लाजुगु
एसे ग्लिङला ज्योम्हेहेन्दे
ग्याथाङला मुइला ङ्हे सोर्सि ज्याल्बा
जाम्बुलिङक्योङला ङ्हे चाबा लाजुगु
एला लाजुगुतेन प्रे ङाला सेम आरे
ङा म्हिजुगुला ज्याबादा लागिरि छेसि टिबा म्हि हिन्ना ।
एला ला
ए नोन हिन्ना
थेसे पोबारि खाम्सेला मुला, लेबाफेबाला ह्युल्बा
एला ला
ए ह्राङ नोन हिन्ना
थेसे पोबारि खाम्सेला मुला, जाम्बुलिङलान लि
एला जाम्बुलिङ
ए ह्राङ नोन हिन्ना
थेसे कोबारि खाम्सेला मुला, ह्यालाइला ह्वाइ ।
दोःबा : ईश्वर थोकर
