निबारि बिजि
आनिउ बिबारिन आखाम्नि
निबा ग्यामदा काबा हिन्ला
कासाइ,
ङाइ काबारि आखाम्नि एदा ।
कुरि हापख्वाइसि
बिमुबा एसे
कि
ङा योनान फ्लिक दोसि खाला
एदा लागिरि
चुरा– का, वाला सारी बासिपिन्ला ।
ह्राङलान मिदा फुबान
“फुना थालाउ ह्राङला तोक जेबा मि,
ङाला डान्बारि
स्हुखाना थालाङ ङा टिबा तिङदा”, बिमुबा ।
सेममि सेम नोन हिन्ला, म्हान्सि वा
एबिना सोबारि खाम्सि वा !
–एला आङसिदा च्याबान कादे गाइना
याकार गि नोन रोङरोङबा ग्लारि टिबा ह्रिक्पा ताना लाजि
–ए खाबा ग्याम च्यासि
मिग्याम ताइसि टिबा मिख्लिला स्हेर ताना लाजि ।
रे, ङिसरे, ला ताबान
दिङ नोन निसि जिन्जिम
ए
आपाआमादा डाक्टर
जाजा कोलाजुगुदा लोपखाङ फि
थेन, ह्युलदा रेमिटन्स किन्बारि निबाइ नोन ।
दारेमचा, दोकाला आहिन जामेला आपा ?
जामेदा लागिरि सेमक्योङला चेकाइ पुइसि
लेङबा ल्हुइ
ह्युल थेन ङादा लागिरि ग्यान्सि !?
एलान ग्याम च्यासि टिबा मुला
ङाइ
बिगे एला ह्युलसे !
दोःबा : ईश्वर थोकर
