जाजाबा

पिङछ्युप (हाराभरा) तासि
ब्रान्सि टिमुला दोखाङ ङादा
ओतेबान पिङछ्युप ङा
योना योनान
दोखाङ स्याप्पारि
म्हान्सि काङबाले ब्राबाबिमा
पाङरा योना
ङ्हाज्याङ बिबा
जाजाबा ग्यामरि
ङ्हाज्याङ ङ्याज्याङ गाडिला ताङलिच्छा
क्लेप टिसि ङा
दुइला गिक्खे दुइरि
गिक्खे शताब्दिलिच्छा
अझन ब्रान्सिन टिमुला
ङ्हाच्छा वाङबारि ।

बोक्टो न्होङबा
प्रेप्रेरि छार माङगो गाडि
ताङरि ताङलासिन टिसि
गे आखेल्बा
ङ्हाज्याङ काइरि
ह्राप्सि हर्न
ङ्हाच्छा वाङबाला लागिरि
आन्दोलनरत मुला
दिङदिङहेन्देन थेर्ला थेरिन
जाजाबा सडकरि ।

उसि दात्तेला सेमताम
आत्याप तासि आस्था
प्लेसि शान्ति
खाल निसि टिमुला, क्लेप निसि टिमुला
जाजाबा सडकरि
जाजाबा सहररि
जाजाबा ह्युलरि
जाजाबा जाम्बुलिङरि
जाजाबा दुइरि
ह्याङ अझन लिच्छान मुला
दोतोबा दुइबिमा
ग्यार्जा ग्यार्जा दिङलिच्छा ।

दो:बा : ईश्वर थोकर