गजल

मान चाबा थेन न्हाबा किन्सि थाल्बाकेन मुला केवा
तिल्मा बिमा तिनि जिम्मेवारीसे नाङ्बाकेन मुला केवा ।

लिच्छारि जाम्बुलिङ थेन चु क्योङ दुनिया ख्लानोन तोला
ह्राङ्लान ल्हुइला अङ्गजुगुसे न्हाइबाकेन मुला केवा ।

तोङजाछा म्हाङजुगुसे प्लिङ्बा केबा किन्सि सोबा मुला ह्याङ
ह्रेच्छाकला बोमो थेन बेइमानीसे थानथान ताबोकेन मुला केवा ।

ह्युल थेन ह्युल्सा स्होबारि ल्हागतिबा बिमुला ह्याङ
ह्राङ थेन ह्राङ न्हाङ्ला द्धन्द्धसे बोबाकेन मुला केवा ।

खाइमाइ आसिसेला ह्राङ्बा अजम्बरी ब्यबहार मुला ह्याङतेन
घन्टा, मिनेट, सेकेन्ड थेन पल तासि बेबाकेन मुला केवा ।

(ब्रिखेन न्यासुर महाङ्काल गाउपालिका वडा नं. २, मानिखेल, ललितपुरला वडाचोहो हिन्ना । दोःबा ः अगाध))