रेडियो नेपालग्याम ङ्हाच्छारेम ग्योइला तामसोर प्रसारण ताबा भदौ १ गते ३० दिङ छ्योबा मुला । ङ्हाच्छारेम आमाग्योइरि तामसोर प्रसारण ताबा दुइसाङदा तामाङ पत्रकार संघसे उत्सवला लिरि दिङदाङसे गेताङ स्हेङ्सि ह्युलनाङ ज्याबाम्हान्बा किन्बापिन्बा लासिकेन खाबारि तामाङ पत्रकार संघ कास्कीसे बिसाम चुरेम कास्की जिल्ला माछापुच्छ्रे गाउँपालिकारि मुबा तामाङ नाम्सा (सिदिङ) दा च्याबा डोबा कोर्बा लासि तेन्जि ।
कोर्बाला छ्याम स्होबा गेताङरि सरस्वती आधारभूत विद्यालयला प्राचार्य शान्ति स्याङबो तामाङ, विद्यालय व्यवस्थापन समितिला चोहो बुद्धि डुम्जन, स्याङबो गेन्दुनला गौराइ नेत्र स्याङबो, अग्रज समाजसेवी हर्कबहादुर योञ्जन, शिक्षक मोहनसिंह स्याङ्बो, पर्यटन छोनखेन भिमबहादुर योञ्जनसे ह्राङ ह्राङ्ला ताम थान्मुबा ।
गेताङरि ल्हेङ्मो थान्बाजुगुसे सिदिङ नाम्साला दोङराप, परम्परा, रिम, रिमठिम, चिबाचाबा, पर्यटन छोनखेनरि तामाङ समुदायला बोला छ्याम थेर्ला तामाङ समुदायला सांगठानिक दुइला बारेरि नोन ङोसेना लामुबा ।
गेताङरि जिल्ला घेदुङला ह्रोचोहो रितु तामाङ, महिला घेदुङला ग्रोइपा ज्योति थिङ थेन पोखरा महानगर घेदुङला गौराइ अन्जना तामाङसे ज्याबाम्हान्बा फुल्बा मुबा ।
तामाङ पत्रकार संघ कास्कीला ङ्योइसाङ थेन महिला घेदुङ पोखरा समितिला डिपारि गेताङ स्याङ्बा ह्रोचोहा धनबहादुर पाख्रिन थेन पवित्रा तामाङला चोहोदानरि ताबा मुबा ।
