7
0
Shares
सिन्धुलीला मरिण गाउँपालिका चोहो विमर्श मोक्तानसे ‘ग्यालेक्सी एक्सलेन्ट अवार्ड–२०२४’ ग्याम डेन याङ्बा मुला ।
निखिला मिडिया नेटवर्क थेन भवानी इन्टरटेनमेन्टले कामरेकुनु याम्बुरि गेताङ स्हेङ्सि मोक्तानदा अवार्ड पिन्बा हिन्ना ।
आर्थिक ल्हो २०७९÷८० रि मरिण गाउँपालिकासे वित्तीय सुशासन जोखिम मूल्याङ्कनरि सर्वोत्कृष्ट अङ्क याङ्सि ह्युलनाङ्ला ७५३ स्थानीय तह गुङरि गिक्खे ताबासे चु अवार्ड पिन्बा हिन्ना । मरिणसे ह्युलनाङ्ला स्थानीय तहजुगुला च्योच्योरि नोबा अङ्क ९७.५ याङ्बा मुबा ।
चुह्राङ नोन लासि स्थानीय तह संस्थागत क्षमता स्वमूल्याङ्कनरि ९४.७५ सर्वोत्कृष्ट अङ्क याङ्सि सुशासनला मामिलारि अब्बल सावित तामुबा ।
ह्रोदा कृषि तथा पशुपन्छी विकासमन्त्री रामनाथ अधिकारीसे अवार्ड पिन्मुबा ।
0
Shares
