अन्नला गेडा

गजुवा थेन मालेदा हाललासि
ङाइ कोङबा सा मोइसिटिमा
ह्राङ तास क्लाङबा ग्लारि मुस्युबा मुबा ।

थारेङला कुला स्यार्बान
ङाइ बुला आलि स्होसि
क्युइ छ्याना लामा
ह्राङ न्हानरि सिल्बा ताबाइगे मुस्युबा मुबा ।

ङाइ ब्यासिला क्रोबा दिनिरि
साप्रा ह्रुप्सि गे लामा
ह्राङ बु म्राङबा थे कुनिरि
छाताला सिल्बारि मुला स्युमुबा ।

क्युइ, टु थेन सारला बाङसे
ल्हामल्हाम्बा सुनकादे ल्हेबा म्राङसि
थेला थाङ नासि ह्राङ फुर ताङस्युमुबा ।

सुन थाबा रेरि
चुरोट जुबारि ह्राङ
मुहानेगरो दोनान दोकास्युमुबा ।

मुठा लाबा रेरि
खलो गरारिन दोकास्युमुबा
ओम, जाजाबा काइरि सुङस्युमुबा
च्याङबा !
ङ्हेना आलाना ल्हुगो होइ सुन !
अन्नला गेडा स्होमा
कादे गारो ताला !!
एनिकादे ह्राङबा बु आरेबाकादेदा तिला था !!!

दोःबा  : ईश्वर थोकर