आइराकला स्हु

सोमछा गिलास म्युर्बान साहुनी ङ्योइजि
‘तिल्दा थुङ्ला होइ ? चोदे ल्हाना आइराक !’
ङाइ पाङ्जि– ‘सिबारि !’
साहुनी कोल्जि ओम बिजि
‘सिबारि ओदे देःबा मुला ?’
दोसि पाङ्जि
थेतासिमि थुङचिमुला
साहुनीसे याला गिलास
ब्यान्सि ल्हिजि ।

ङानि ङ्हि नोन कुटिसि चिजि
मिरि तिलाइ थान मिख्लि थोसि
न्हाङरि वाङ्जि थे
ङा चोन निजि
चु आइराकग्याम ङोआसेबा नोन
चोदे दुल्बा मुला बिसाम
ङादा कादे दुल्बा मुला ताला बिसि ।