चोदे ङा ए तापिन्बा हिन्सा
ङादा आउदिन चेगाइ लासेला मुबा
दुङालला ताम ! ङ ए दोबारि आखाम्नि
एसे ङादा चेगाइ लाबा बाङ आलानि ।
खाराङ लासि पुजुसे गुलाफ दोबा बाङ आलानि
वात्तिजुगुसे ग्रेनगान्दि दोबा बाङ आलानि
थेह्राङ नोन लासि एसे ङादा चेगाइ लाबा बाङ आलानि
जेक्खे पुइगाचिजि कुटिसि चिबा दिव्य संगीतग्याम तिलाइ डान्बाजुगु ।
डान्बाजुगुला सहवासरि खिल्बाकेन मुला केवा
केवा खिल्बा (गुज्रनु), स्हुइबा (घिस्रनु), कोबा (चल्नु) जेक्खेम आहिन
केवा आखिल्बा, आस्हुइबा, आकोबा नोन ताबारि खाम्ला ।
क्योलोलो एला डान्बाजुगुसे फोपुइबा मुला
चु आस्तित्वदा तिला बिसे ?
ह्रेच्छाकला सुख
आजिन्तेदोनाला दुङाल
कि चु सेमजुगुबिमा फेबा स्यान्दोन स्हे ?
गुनासो जेक्खे लासि
ख्योल्बा (गल्ती)ला साम्राज्य स्होपिन्बा
आतोबा ताम लासि ह्वाइखा ब्रिपिन्बा
मुतेबा अपराध हिन्ना ।
हिन्ना, ङा अपराधी हिन्ना
ओन्माला दोङराप दुइहेन्सेला खलपात्र हिन्ना
याखारगि खलपात्रसे
दिनि ग्लिङ दोसि आछ्यातेदोना (नजमुन्जेल)
एदा चेगाइ लासि चिसेला मुला ।
डोङ्बा शाश्वत हिन्ना
थेलिच्छा
ङाइ एदा लाबा चेगाइ
स्यान्दो शाश्वत देन्बा हिन्ना ।
(दोःबा : यकिना अगाध)
