बुद्ध दोगे म्हान्ना

तारछ्युप म्राङ्बा ज्योमोगाङ
थारेङग्याम च्यामा
म्राङ्सि नोन खाइमाइ ताम आपाङ्बा
प्रेमिका ह्राङ्बान
जेबा छोर्ला ।
तोबास्हे थान्सि गोरि
जोर्सि काङ्रि मुतेबा दोइ
गि ङ्हि गि ङ्हि
ग्लिङफिरि ल्हेसि सजग गोेङ्मा
पाप्लाकि बिसि
गोङ्बा खाङ्बारि
रुस थेन युक्रेन गुङ्ला
आजिन्बा युद्ध ह्राङ
थेनआताना केवाला संघर्ष
सोसिकेन लाबा ल्हाम छोर्ला ।

तार ङ्यामङ्याम्बा ग्लिङफिरि
ल्हेसि कठोर गोङ्मा
थोसि सेमनाङ जिद्दि अभिप्सा
कम गि लेप्बा चिया
थेन ब्लाप्बा न्हाबा देःबा आरामला
आछ्योबा रहरजुगुला
बो गि केवाह्राङ
आम्ह्युबा ग्लिङजुगुला
शान्त, आल्हेबा थेन आकोबा
चिबा म्राङ्मा ख्लासि मोक्कोनस्हे
शरणागत तासि बुद्ध दोगे म्हान्ला ।

(दोःबा : यकिना अगाध । स्रोत : समकालीन साहित्य)