(अप ख्वप रेरि डन्सि)
तिक अलचि अप कतेसे
कोलकते छर्न लपरि !
दिन म्हुन
ग्लिङ नम
ख्रेन्प फुइप
क्रोप हङ्प
भ्रा ढुइ
हन्टो घ्युरु
गङ् स्योङ्
अभिचि
स्ह्यो (यो) अतप ह्रान्ते
छङ् ढा
घ्वरे हलो
कुरि तो, पुइसि
भू ह्वरि
मोइप ख्वप लचि
सार पुइचि
टूल भल तइन
लिरि च्युकुर छ्यान
यारि छ्युल्तुर रेन
कङ् पट्पट् थिन
भ्लु ढ्वची
फुइन लचि
रोजि सुन मकै
घ्व सङ
झङ्चि धिम न्हाङरि
प्लिङ्चि बुतुर बकर
ख्वाचि कोल कातेल
फो नङ् प्लिङ्न
तिक अलचि अप कतेसे
कोलकते छर्न लपरि !
यम्बु खोपोङरि निसि
दिनिल स्हेर नासि
तल ङ्ह ढु फिरि
गिट्टि बालुवा पुइचि
ख्रिनरि च्योसि छो फ्रोर्चि
बिजुलील दा रि क्रेजि
ङ्यल्प (फोहोर) ह्रुप्चि
थनथन बोतल
फई ह्रुप्चि
धोइ पुइचि
जागीर चसि
गोली गठ्ठा पुइसि
स्ह्यान्दो तेन
छेपरि निचि
तिक अलचि अप कतेसे
कोलकते छर्न लपरि !
ढासे थोपोल क्र
लुण्टे तनकि
फ्युक्पल धोइ पुइचि
ढुइल च्योतोरि
छोतरि च्योसि
फइ चम्ल
लठ्ठा फ्रेङ्चि
तिक अलचि अप कतेसे
कोलकते छर्न लपरि !
ह्रङ्ल ह्युल ख्लासि
स्ह्यान्दोला ह्युलरि निसि
ना आहाम्प छेप्प नासि
हइमइ अलप घे लसि
टङ्का खसि
कोल कातेल तङ्प
ङेप घ्लुसि बची अपसे
तिक अलचि अप कतेसे
कोलकते छर्न लपरि !
भोंदी–१२ , बासडोल, काभ्रे । दात्ते : बानेश्वर–३१, यम्बु ।
ब्रिप : २०८१।०५।१४
