नेपाल तामाङ घेदुङ, बहराईनला सन् ३० अगस्ट २०२४ शुक्रबारकुनु बहराईनला राजधानी मान्माला ओरेन्टेल प्यालेस होटलरि ताबा डुछा अधिवेशनसे पेमा पाख्रीनला चोहोदानरि सन् २०२४ हेन्से सन् २०२६ दोनाला छार कार्यसमिति स्होबा मुला ।
कार्य समितिला वरिष्ठ ह्रोचोहोरि योजना तामाङदा दाम्बा मुला बिसाम ह्रोचोहोजुगुरि राम पाख्रीन तामाङ, खेवा लामा, राम ग्लान तामाङदा दाम्बा मुला । ग्रेन गौराइरि अनिल थोकर तामाङ, गौराइरि अनिल वाईबा तामाङ, न्होरचोहोरि श्रीबहादुर मोक्तान थेन ह्रोन्होरचोहोरि मनोज मोक्तानदा दाम्बा मुला ।
कार्य समितिला मुल्मिजुगुरि अमीर लो तामाङ थेन सन्जु लामा तामाङदा दाम्बा मुला ।
अधिवेशनसे महिला विभाग नोन स्होबा मुला । महिला विभागला प्रमुखरि प्रनिसा बल तामाङ, उप प्रमुखरि सन्च माया तामाङदा दाम्बा मुला ।
सांस्कृतिक विभागला संयोजकरि सबिन लामा, मुल्मिरि अमृता लो तामाङदा दाम्बा मुला बिसाम युवा थेन खेलकुद विभागला संयोजकरि गणेश तामाङ, उपसंयोजकरि सनम पाख्रीनदा दाम्बा मुला । चुह्राङ नोन लासि लामा विभागरि प्रमुखरि सविन लामादा दाम्बा मुला बिसाम उपप्रमुखरि केसाङ लामादा दाम्बा मुला । मानार्थ मुल्मिरि फलामसिंह बल तामाङ थेन संरक्षकरि श्रवण मिक्चनदा दाम्बा मुला ।
ग्रोइपाजुगुला समितिरि श्रवण बम्जनदा प्रमुख ग्रोइपा थेन मानबहादुर तामाङदा बरिष्ठ ग्रोइपारि दाम्बा मुला बिसाम मुल्मिजुगुरि सरिता लामा, सोनी लामा, राम मोक्तान, सरोज मोक्तान तामाङ थेन सन्तोष घिसिङदा दाम्बा मुला ।
चु अधिवेशन बहराईनला ङ्हाच्छाला चोहा श्रवणकुरमा बम्जनलाला सभापतित्वरि ताबा हिन्ना ।
गेताङला ग्रेनडोन्बो नेपाली राजदतावास बहराईनला उपनियोग प्रमुख सुजना अर्याल मुबा बिसाम विशेष डोन्बो नेपाली दुतावास बहराईनला श्रम सहचारी जमुना काफ्ले, नेपाली दुतावास बहराईनला सोमछा गौराइ दिपराज जोशी मुबा ।
स्यान्दो डोन्बोजुगुरि जनजाति महासंघ बहराईनला चोहो विरेन्द्र तुम्बापो, नेपाली क्लब बहराईनला चोहो दूतप्रसाद गुरुङ (दीपक), गैर आवासीय नेपाली संघ बहराईनला चोहो राजुश्रेष्ठ, प्रवासी नेपाली मन्च बहराईनला चोहो चन्द्र गुरुङ, जन प्रगतीशील मंच बहराईनला प्रतिनिधि नारायण रम्पाल मुबा । ओस्बान लासि नेपाली मंच पानस बहराईनला चोहो हिमलाल पाण्डे, मगर संघ बहराईनला चोहो कृष्ण खाम्चा मगर, तमु बहराईनला प्रतिनिधि किशोर घले, किराँत याक्थुम चुम्लुङ बहराईनला चोहो सोमराज कन्दङ्बा, किराँत राई यायोख्खा बहराईनला प्रतिनिधि मिलन राई, नेवाः दबु बहराईनला प्रतिनिधि भिमकुमार श्रेष्ठ, नेफिन बहराईनला ज्ञानेन्द्र तमु मुबा ।
चुह्राङ नोन लासि स्यान्दो डोन्बोजुगुरि जनजाति महासंघग्याम्से संरक्षक ङ्ही कमल श्रेष्ठ, श्रीलाल पुन, प्रमुख ग्रोइपा नरेन्द्र घले मुबा ।
अधिवेशनरि अनिल थोकरला टिमसे तामाङला मौलिक रिमठिम उन्बा तामाङ डम्फुरे ह्वाइ कोसि डेन लाबा मुबा बिसाम स्वंयसेवकला गे अमृता लो तामाङ, अमीर लो तामाङ, सबिन लामा, सन्सा तामाङ, मनोज मोक्तान, प्रनिसाा बल, सन्जु लामाजुगुसे लाबा मुबा ।
