कुदाप गिरिन दाइबा मिन्बा लासि कान चाबा ज्योज्योआले
खार्बा गिरिन गिसेम गि एला ङाला बो बिसि ब्यान्सि चाबा ज्योज्योआले ।
आपा थेन आमासे ह्राङ्लान ग्योइ काइरान लोप्सि ग्रेन ताना लाजि
तिनि थेनोन दिमगिरि छार्बा ज्योज्योआले गिसेम गि दुस्मन दोसिी ब्राजि ।।
आपा थेन आमासे कोलादा सेगाइ गोगाइ बिसि लोप्खाङ पुइजि
तिनि कोलाकादेसे सेमरि थे ताम थुम आडान्ना ब्राजि ।
खेप्पा खुइ दोबा आपा आमादा ख्लासि याम्बुरि वाङ्जि
ङाला कोला सिला बिसि दिनम्हुन सायार लाबा आपा थेन आमा नाम्सा दिमरि ताजि ।।
ल्होछार म्हेनिङ खामा छार क्वान क्वान्ना बिसि ताङ्सि छ्याम ब्राबा ज्योज्योआले
तिनि गिसेम गि तोरमार ताम लासि छेबा बाङ्बा लाजि ज्योज्योआले ।
ह्याङ दिमगिरि छार्बा ज्योज्योआले सेमरि थुम डान्सि च्यागो
तिल्मा ङाला आले ह्रिल्ला फोइतान ताला बिसि यारि गोरि पुइबा थुम डान्सि च्यागो ।।
ए आले एतेन ङा आपा आमा गिसेन दुःख मोलम लासि छार्जि
तिनि ज्योज्योआले न्हाङरि ज्याबा आज्याबा सेम क्लाङ्सि ब्राजि ।
चु नाम्सारि स्युबा ङेबाङेङगोर्से ह्याङदा तिगा बिला थुम डान्गो आले
म्हि बैरिसे एतेन ङादा लिरि थो स्वाला थुम डान्गो आले ।।
घ्याङलेख गाउँपालिका वडा नं ५ बुदुमचुली, सिन्धुली ।
