नेपाल तामाङ समाज जापानला ङ्योइसाङरि ‘डम्फू सेलो तथा म्हेन्दोमाया साँझ २०२४’ जापानरि गेताङ ताबाकेन मुला ।
‘ग्योइ धर्म कला रिमठिमला संरक्षण डम्फू ह्याङ्ला ङोसेबा’ बिबा नाराला छ्याम ङ्योइसाङ लाबा चु गेताङ रोयल गार्डेन रेष्टुरेन्टरि १५ सेप्टेम्बर २०२४ आईतबारकुनु योला ११ ङ्हेमाहेन्से तिसि ङ्यासेला २१ ङ्ह्यामा जिन्सेला मुला ।
तामाङ समाज जापानला चोहो कार्साङ तामाङला आन्सार गेताङरि जापानरि मुबा चर्चित तामाङ कलाकारजुगुसे प्रस्तुति पिन्सेला मुला ।
गेताङरि काइपा जनक थोकर, एल बी थोकर, प्रज्वल दोङ, प्रकाश तामाङ, अमित मोक्तान, सागर पाख्रिनसे ह्वाइ कोसेसेला मुला ।
ओस्बान लासि स्याबोनजुगु संगीता थोकर, अमृता लो, अमिर मोक्तान, सुमित्रा तामाङ स्यासेला मुला ।
गेताङरि नेपाल तामाङ समाज च्युबु मिए क्षेत्रीय समितिला सांस्कृतिक विभागला टोलीसे म्हेन्दोमाया विशेष प्रस्तुती पिन्सेला मुला ।
