मोक्कोन बिमा जेबा समुन्द्र तारतिबारि आझाइ लेङ्बा मुला
मोक्कोन बिमा जेबा लाइनु आझाइ छार्सि जिन्बा आरे
दातेदोना आम्राङ्बा मोक्कोन बिमा जेबा रेजुगु
ह्याङ्से च्याबारि लेङ्बा मुला ।
ओम, ङाइ मोक्कोन बिमा जेबा छिगजुगु ह्राङ्निदा पाङ्बा सेम थान्मुबा
तासाइ नोन थे ङाइ पाङ्बारि म्याङ्बा आरे ।
(टर्कीला बहुआयमिक जाम्बुलिङ प्रशिद्ध प्रगतिवादी ह्वाइब्रिखेन नाजीम हिक्मेत रान (सन् १५ जनवरी १९०२–जुन १९६३) । चु ह्वाइब्रिखेनला दान्नाइ गाङ्साल ह्राङ्बा केवा कारागार थेन ह्युल स्युर्बा लिच्छा प्रवासरिन वाइबा मुबा । थेला मुतेबा ग्योइकाइ ह्युल न्हाङरि प्रतिबन्धित मुबा । थेला सिबालिच्छा जेक्खे थेला आमासारि प्रतिबन्ध स्युुबा (फुकुवा) मुबा ।
थेला छ्योइजुगु दान्नाइ ५० ग्योइरि छिपा मुला ओम दातेनोन छिपाकेन मुला । थेला ह्वाइखा थेन ब्रितामजुगुरि समाजवाद, विश्व कम्युनिष्ट आन्दोलनला पक्षरि थेन साम्राज्यवाद, उपनिवेशवादला क्योङ म्हाना लाबा थेन जातीय मुक्ति आन्दोलनला पक्षरि मुतेबा बिमा प्रखर अभिव्यक्तिजुगुसे प्लिङ्बा स्याप्मुला । थेला जाजाका प्लेन ह्वाइखाजुगुरि नोन ल्हानान वैचारिक थेन मुक्तिन आन्दोलन ओम ज्याबा लिउ झल्कप ताबा याङ्मुला ।
स्यान्दो पक्ष तिला नोन मुला बिसाम नोबेल ग्योइकाइब्रिखेन पाब्लो नेरुदाला ह्वाइखाबिमा जाकि सरल थेन ह्युल्बाला ग्योइरि अभिव्यक्त ताबा याङ्मुला । तासाइ नोन नेरुदाला ह्वाइखा बिसाम महासागर ह्राङ्बा ग्रेन आकारला रचना साइलिरि याङ्ला । थेला भेउ याङ्बारि ल्हानान कठिन छोर्ला ।)
नेपाली दोःबा जय कार्की, तामाङ दोःबा यकिना अगाध
