तामाङ म्लेला आदे

कावासे ह्राङ काइ आपोना
म्रावासे ह्राङ व्हाइ आपोना
कोइली ढुकुर नामेकादेह्राङ
ह्रि गाङ न्हाङरि फुर्सि चिउ
मैना, सुगा, सारु कादेह्राङ
डुङ थान्ना म्हारला पिन्जडारि
ह्राङ्लान आपा आमासे पाङबा
ग्योइ आगोना ।

थुइबा चप्पाल आहिन काङ्मि
थानथान ब्रासाइ ताला
लुसि ब्यान्छि ह्योलासि थाचाउ
ब्रा पोलो चासाइ ताला
केसा फ्राल्सा ह्युल्सा ख्लासि
फ्याङ्बारि थाम्हाइगो
आखे तुखे साइसि स्हेङ्बा
सिंहदरबारदा
तामाङ साइबा कानुन ब्रिबा
खि नाङ किन्साइ ताला ।

आखे डेन्बा लासुल गासुल
दाङ म्लेला आदे
ठुङसा बाप्सा ह्युल्सा दुर्सा
गाङ म्लेला आदे
हाउ दारेम तामाङ तासि सोदोला
जाम्बुलिङरि
ज्योमो गाङते नोबा दोङराप
तामाङ म्लेला आदे ।

(ह्वाइखा ब्रिखेन तामाङ डाजाङला चोहो हिन्ना ।)