ए, अकेरिका ! चोदे एसे एला डोन्बोजुगुदा हतियार हाल्ल बिसाम
थेनिकादेसे शुद्धताला सिमाजुगु पुडि नुप्ना लासेला मुला
ओम शिकागोला हत्याराजुगुसे सिमा वाइसि,
थे क्रुर थेन ठाइकोङ्बा शासकला लागि
ङान्छे चेगाइ लाबा ह्राङ्बाङ तिङ्ला ह्वाइजुगु ह्यो लाला
दिनि फेबा दुइह्राङ, ङान्दा ज्याना छोर्बा डिछ्या (व्यवस्था) योनान जिन्ना लासेला मुला ।
थेदुइरि ङान्छे युङ्बा क्युइसेला मुला ओम लाबा ग्याम थोन्सेला मुला
एदा डेबारि–ख्राप्बारि,
ङानि एदा ख्राप्बारि झ्यालग्याम माङ्ग्यार खाबा
क्योङ बिमा लिच्छाला म्हि तासेला मुला ।
ङानि छालजुगुग्याम माङग्यार थोन्सेला मुला
एला रुजुगु क्योइबान एदा ङ्याक्सेला (घोक्र्याउने) मुला ।
एदा जिन्ना लाबारि ङानि हलोला फाली दोसि मुठी जोर्सि थोन्ला
पक्का, थेनोन दुइरि ङानि एदा फोइदान थेन फ्युइबासे सताप लाबारि
ह्वारह्वारर्ती माङ्ग्यार थोन्सेला मुला ।
हेक्का थान्गो एनिकादेदा
नर्कला मेरि ख्राङ्बारि अवस्य थोन्सेला मुला
अस्तु सिपाही !
ङ्याम्बा फ्रान्सरि काङ आजुगो
तिल्दाबिसाम ङानि थेर्ला अंगुरला दोङजुगुदा
स्याहार लाचिबा ताला
थेसे तेजाब तेजाबब जेक्खे तेला
ओम थेरि पक्कान ल्हानान श्रमिक जामेकोलाजुगु तासेला मुला
थेनिकादेसे एदा ठेगान ल्हागाब लाला, लाला ।
(सन् १९७३ ला सेप्टेम्बर २३ कुनु चिलीला शैन्य तानाशाह पिनोचेसे नेरुदादा सेबा प्रमाणजुगु दातेला सरकारसे घोषणा लाजिन्बा मुला । थे दुइरि थेला तिङ फ्रेबाला कारण डोङ्बा तामसोर प्रचाररि बाबा मुबा । तासाइ ल्हानासे थेदा मान पिन्बा ताङरि ख्युन (विष)ला सुइ पिन्सि सेबा आशंका लाबा मुबा । थेसे नोबेल पुरस्कार याङ्बा मुबा ।)
नेपाली दोःपा : जय कार्की, तामाङ दोःपा : यकिना अगाध
