5
स्यान्दोसे तेनपिन्साम याखारगि म्हि नेता दोला
स्यान्दोसे छ्योकु लापिन्साम याखारगि युङ्बा ला दोला ।
खाइमा म्हि कठपुतली दोला
थेहेन्से नेता फेला ।
खाइमा म्हिजा अन्धभक्तपन ठुङ्ला
थेहेन्से यु्ङबा ला दोला ।
चुनोन कठपुतली दोबा थेन अन्धभक्त दोबासे नोन
देन्बा सिबा मुला आदेन्बा सोबा मुला ।
खाजिबा दुइहेन्से
म्हिजा कठपुतलीपन ह्यार्सेला मुला
थे दुइहेन्से
ह्युल्सारि नेताला पुडि थुम्सेला मुला ।
नेता सत्ता थेन ह्युल ख्लासि ह्यार्सेला मुला
ओम खाजिबा दुइहेन्से म्हिरि
यथार्थपन थेन देन्बापन म्राङ्सेला मुला
थे दुइहेन्से
युङ्बा कोन्ज्योसोम स्होसि छ्योकु लासेला आहिन
थेनोन युङ्बादा कोन्ज्योसोम तेनपुङ्बा
धर्मभिरु गुरु थेन क्रुर शासकदा
क्योङ पुडि नुप्ना लाबा युङ्बा लिला हतियार दोसेला मुला ।
दोःबा : यकिना अगाध
