सहर !
एसे
ल्हानादान शिक्षित स्होजि ।
थेतासिमि डाक्टर दोजि
इन्जिनियर दोजि
शिक्षक दोजि
ब्रिखेन दोजि
ह्वाइखाब्रिखेन दोजि
ह्वाइब्रिखेन दोजि
प्रशासक दोजि
ग्लेठिमखेन्पो दोजि
मन्त्री थेन प्रधानमन्त्री सुताइ दोजि
स्योमि दोजि
युट्युबर ल्होलो दाजि ।
सिनेमा नायक नायिका नोन दोजि ।
तासाइ
इमान थेन अनुशासन म्हाजि ।
पेशागत मर्यादा नुप्जि ।
खाराङ लासि कान्तिपुरी नगरीला अस्तित्व म्हासिकेन निजि ।
उपयोगवदाीजुगु ल्हेसिकेन निजि ।
ग्लोबलाइजेसनसे हामीवाद ल्हेना लाचिबा दुइरि
मवाद हावी तासिकेन निबा मुला ।
सकरात्मक ह्रोदा
नकरात्मक व्यख्या लाबाकेन मुला ।
ह्रिक्पा भ्रष्ट ताजि
आचार भ्रष्ट ताजि
सदाचार म्हाजि ।
शुन्य नाबाला मिनरि
भ्रष्ट खेती ल्हेजि ।
अहम्बाज दोसि
ह्राङ्लान अस्तित्व नुप्ना लाबाकेन मुला ।
जुद्ध शमशेरजुगु ल्हेसिकेन निजि ।
घाती, प्रतिघाती थेन अन्तरघातीमि मुनोन मुबा ।
छ्याम छ्याम दारे आत्मघाती नोन ल्हेबा मुला ।
सम्बन्धरि नोन मुनाफा म्हाइबारि चुजि ।
होशियार तातोबा मुला, सहर एसे
तिल्दाबिसाम
एला अस्तित्वदा नोन दाउरि थान्बाकेन मुला ।
खाराङ लासि पाण्डवसे द्रौपदीदा थान्बा मुबा ।
दोःपा : यकिना अगाध
