ह्युल्ला ग्लेठिम ब्याङ्बारि कादे प्राङ्बोला कोलाकादे सहिद दोजि
सोबान मुबा ह्रोकादे या काङ आरेना थेप ल्हुसि ब्राजि
थे दुइरि तिगा ह्रोला चेगाइ ह्राङ्लान ल्हुइ सोबारि गाह्रो ताजि
कादे दुःख लासि बाबा चु छार ठिम आझाइ प्राङ्बोला यारि आदोजि ।
मोकोन ह्युल्बासे म्हान्बा ह्राङ्बा छार ठिम आखानि चुरि
फ्युक्बोला थेमेदा जेखेन छार ठिम खाबा म्राङ्जि चुरि
तिल्मा ह्युलरि म्होकोनला याङ्ताम च्योच्यो याङदोला बिसि ब्राजि
तिनि थेकादे खजा या, काङ आरेना दिम, ग्यालमरि क्रासि चिजि ।
चु ह्युल्ला छार ठिम बाबारि ह्राङ्लान ल्हुइ पिन्सि ब्राजि
स्योङ गान्दि ह्राङ्नोन काला भल पुइसि सहिद दोजि
तिनि न्हाङ्गार चु ह्युल्ला छार ठिमरि स्युबाकादेसे घाइते, खाजा, सहिद आडान्जि
चुरि फ्युक्बोला जेखेन छार ठिमरि मोजमस्ती प्राङ्बोला कोलाकादे सडक ग्यालमरि ताजि ।
चु ह्युलरि प्राङ्बोला कोलाकादेसे बामरि झोला बम पुइसि छार ठिम बाजि
ग्लेठिमला ङोन्छाङ छेसि छेसि छार ठिम बाजि
म्होकोनला ल्हुइरि छार ठिम खादोला बिसि ब्राजि
तिनि चुनोन ह्युल्ला छार ठिमरि स्युबा चोहो कादेसे ह्याङ तामाङदा नाङ्सि थान्जि ।
घ्याङलेख गाउँपालिका वडा नं ५ बुदुमचुली, सिन्धुली
