दोसि ह्रुप ताला

क्योङ्से बिमुला केवा याखारगि ल्हाम हिन्ना
खाइमागि चोसो ङामग्याम च्याला
केवा यखारगि सेमनिबा ल्हामह्राङ छोर्ला
दोसि ओसो क्यारग्याम च्याला
केवा याखारगि ङ्हाच्छान स्होथान्बा ल्हाम ह्राङ छोर्ला ।
गिक्छारेम चु जाम्बुलिङरि ब्रामा
धर्मचक्ररि ह्राङ मुतेबा दिशा ब्राला बिसि ब्राबा नोन आरेमुबा मुसिम
तासाइ दिन फ्लिकदोसि च्यामा मुतेबा दिशा ब्राबा ह्राङ छोर्ला
तिल्दा ङ्हाम्बा चु शहरजुगु एलान लागि स्होबा ह्राङ्बा ?
तिल्दा ङ्हाम्ला ङादा ओन्माला डान्बा थोसि कोर्बारि खाबा ह्राङ्बा ?
तिल्दा ङ्हाम्ला चु मुतेबा म्हेन्दोजुगु एलान लागि सार्बा ह्राङ्बा ?
तिल्दा ङ्हाम्ला ङाला स्हु थेन महाकरुणा ङ्यान्बारि
ए मुरिन ब्रासि खाला ह्राङ्बा ?
तिल्दा ङ्हाम्ला तिनि ङादा जाम्बुलिङनोन डाला ह्राङ्बा ?
खाइमा गिक्छारेम ह्याङ फेजि ग्याम ङ्हिला गुङरि
देप्सि थान गि ङोसेबाजुगु
थोसि मु बिमा ल्हिबा जोर गि लिजुगु
ह्राङ्ला ख्याल लाउ
दोसि ह्रुप ताला बिबान
च्योच्यो बो लासि सेमनाङ असिमित आशाजुगु
हिन्ना, थे थेनोन रे मुबा
ङाइ म्लेपिन्बा ह्युल फिरग्याप ह्युलला ताम
सिमानाला ताम
ह्रुप ताबा फेबाला ताम
दिनि क्रिपला ताम
गोल्छे गोल्छे लाबा थेन लुङ्सुरला ताम
ङाम थेन थारेङ ओम खेबा (दुरी)ला ताम ।
…… ओम थोसि खाजि
मोक्कोन लाबाला झोंक्काजुगुसे
ज्याबान मुला बिबा तामसोरजुगु
ओम होङ्सि खाजि
क्योङ क्युइला लहरजुगुसे
दुइरिन कान चाउ बिबा क्युइदार्बाजुगु
ओम थोसि खाजि
मोक्कोन ङ्यासेजुगुसे
ज्याना लासि म्हेर्गो होइ बिबान प्रिय स्योङजुगु
थेतासिमि छोर्ला
रुङ्बा ह्रि दोमा एनोन ए राप्बा ह्राङ्बा
थेतासिमि छोर्ला
दिनिला स्हेरजुगु एलान गोङ्माजुगु ह्राङ्बा
थेतासिािम छोर्ला
मोक्कोन सारजुगु एलान मुस्कानजुगु ह्राङ्बा
हिन्ना, थे थोनोन रे मुबा
ह्याङ् गिक्छारेम फेबा रे
थे रेहेन्से
ङा केवारि खाइमाइ गिक्खे आतानि ।

दोःबा : यकिना अगाध