ओइमा दाङबोला ताम हिन्ना । याकारगिक ग्लारि घिसिङ ह्रुइला म्हि चिमुबा रो । तिरेला ताम हिन्ला । आस्याङ थेन कोन क्याम्साङ ब्रारि चानुला जाङ च्योम्बा ग्रोइ लाजिम ।
कोन चा घिसिङ । आस्याङजा स्यान्दोन ह्रुइला । खेप्पा दोङबो च्योदोरि चानुसे गालेला जाङ स्होबाला टिम । आस्याङ चा दोङ टारि चिसि कोनदा दोङबोरि पुइजिम । चानु च्योम्बा दुइरि चानुसे खानाङ दाम्मान जिबारि चुजि । आस्याङसे एन कोनदा जिबाला म्राङजि ।
दोङबो क्रेबारि जुबाला चाम स्योत ख्लासि आस्याङ टाप पुङजि । कोनदा ह्रो लाबा म्हि खालाइ आतानि । मार फाप्के बिसाम चाम आरे । आस्याङ एन आरे । तोर निसि चानु च्योम्गे बिसाम सिनासिना जिसि सेगे लाजिन्जि । तोरमार क्यारमार च्याजिम ।
तोङग्याम छोदा ह्राङबा तुर्लुङग च्योबाला गुगिह्राङबा म्राङजि । थेसे म्हान्जि तिगा लाउ तिगा लाउ लाबा बिमा चुनोन चुङसि थार्बा सेमसे म्हान्जि । सेमसे जाम्बुलिङला मुदेबाला लुदा डान्जि । आखे म्हेमेदा डान्जि ।
थेनोन गुगिरि यासे चुङसि च्योजि । दोङबोरि म्हेर्सि चिबा प्लाङदाङ फेतछोर्जि ।
लोङसि फहरारिक्यार फालपुङजि । ह्राङला मेरि च्योबा म्हि म्राङसि प्लान्दाङ ह्रि न्हाङरि ह्यार्जि । थे म्हिला ल्हुइ थार्जि । थेला ल्हुइदा प्लाङदाङसे थार्ना लाबासे थे मिहसे प्लान्दाङदा ला म्हान्सि क्योन्बारि तिजि ।
थेनोन दुइहेन्से बिबारि चुजि घिसिङला ला प्लान्दाङ ।
