चितिवन । भरतपुर महानगरपालिका वडा नं. १० रि मुबा कलेज अफ मेडिकल साइन्स थेन प्रभु बैंक लिमिटेड गुङ्रि विशेष छुट सम्बन्धी समझदारी स्योरि हस्ताक्षर ताबा मुला ।
असोज १३ गते कुनु प्रभु बैंकला तर्फग्याम चितवन प्रदेश प्रमुख सांग्रीला श्रेष्ठ थेन कलेज अफ मेडिकल साइन्सला तर्फग्याम डा. मनोहर प्रधानसे सम्झौता स्योरि हस्ताक्षर लाबा हिन्ना ।
सम्झौता आन्सार कलेज अफ मेडिकल साइन्सतेन प्रभु बैंक लिमिटेडला ग्राहक ओम कर्माचारीजुगुसे सेवा थेन सुविधा किन्बाला बोरि विशेष छुट याङ्सेला तामुला । सिओएमएसरि उपचार लामा मान, सिटि स्क्यान थेन एमआरआई बिमा स्यान्दो मुतेबा सेवाला छ्याम एक्सरे थेन एसिजिरि सुताइ २० प्रतिशत दोनाला छुट याङ्सेला मुला । प्रभु बैंक लिमिटेडला ग्राहक थेन कर्मचारीजुगुसे कलेज अफ मेडिकल साइन्सला सुविधा थेन सेवा याङ्बाला लागि बैंकला डेबिड कार्ड, क्रेडिट कार्ड ओम बैंकला स्यान्दो खाजिबाइ विद्युतीय प्रणालीग्याम बिल फातोसेला मुला । तासाइ चु सुविधा याङ्बाला लागि प्रभु बैंक लिमिटेडला ग्राहक थेन कर्मचारीजुगुदा ङोसेबास्यो (परिचयपत्र) ओम दिमम्हेला मुल्मिला लागि नाता ठ्वाङ्बा कागजात अनिवार्य पिन्तोसेला मुला ।
ग्राहकजुगुला दाम्बाला ङ्हाच्छाला बैंकला लिरि मुबा ओम दार्से जेक्खे ‘बैंक अफ द इयर २०२३’ ला उपाधिग्याम डेन ताबा प्रभु बैंक लिमिटेडला नेपालनाङ ३१५ शाखा गेदिमजुगु, २८६ एटीएम छ्यामरि ६९ बिमा ल्हाना एक्सटेन्सन काउन्टरग्याम छ्योआछ्यो ३१ लाख बिमा ल्हाना ग्राहकजुगुदा ‘विश्वास लिन्छौं विश्वास दिन्छौं’ मुला नाराला छ्याम बैंकिङ थेन वित्तीय सेवा पिन्चिबा प्रभु बैंकसे अत्याधुनिक प्रविधि ग्याम्से गुणस्तरीय सेवा पिन्बान प्रतिस्पर्धा लिरि ङ्हाच्छा वाङ्चिबा मुला ।
