बौद्ध दर्शन प्रवद्र्धन तथा गुम्बा विकास समितिग्याम आनीजुगुदा सामाजिक गेरि बो किन्पुङ्बा उद्देश्यसे विशेष कार्यशाला गोष्ठी स्होजि । थे गेताङ्से आनीजुगुदा समुदायला ल्होलो थुमरि योगदान पिन्बारि प्रोत्साहित लामुला ।
होटेल रोयल एयरपोर्टरि स्हेङ्बा गोष्ठीरि ल्होलो गुम्बाजुगुग्याम आनीजुगुसे बोकिन्मुबा । गेताङरि आनीजुगुदा सामाजिक सेवारि बोकिन्बा ल्होलो तरिकाजुगु, नेतृत्व विकास थेन समुदायरि सकारात्मक पोबा बाबा उपायफिरि प्रशिक्षण पिन्मुबा । छ्यामरि मानसिक स्वास्थ्य, लैङ्गिक च्योच्यो, शिक्षा थेन वातावरण संरक्षण ह्राङ्बा नुररि काठुइ लामुबा ।
सोमबार थेन मंगलबार ङ्हिरेदोना चलप ताबा गोष्ठीरि सामाजिक सशक्तीकरण, बौद्धधर्मरि आनीजुगुला भूमिका, नेपालली बौद्धधर्मला विकास ताङ थेन समाज सुधाररि आनीजुगुला भूमिका नुररि प्रशिक्षण पिन्मुबा ।
गेताङरि आनी छोइङ, रेडियो नेपालला कार्यकारी निर्देशक अमरध्वज लामा, ब्रिखेन कुमारी लामा, आचार्य साकी लामा, आचार्य नुरु शेर्पासे प्रशिक्षण पिन्मुबा ।
प्रशिक्षण किन्माहेन्से आनीजुगुसे बिजि, ‘चु गेताङसे ङान्दा समाजतेन ङामरि ताबा थेन सेवा लाबा छार तरिकाजुगु लोप्जि । चुसे ङान्ना दायित्व थेन सामाजप्रति जिम्मेवारीदा झान बाङ्ना लाबा मुला ।’
गोष्ठी जिन्माकुनु गुम्बाला कार्यकारी निर्देशक होमबहादुर दोङसे आर्थिक दिङ्ला नीति कार्यक्रमरि मुबा कार्ययोजना आन्सार सम्बन्धित सरोकारवालाजुगुरि समन्वयात्मक भुमिका ज्याना लासि क्लाङसेला ताम थान्जि । ह्रोसे बौद्ध ग्युइ गम्बाजुगुरि जेक्खे आताना मुतेबा समुदायरि दोना लातोबा तिनिला आवश्यकता हिन्ना बिजि ।
गेताङला संयोजन योजना अधिकृत सन्जु योङ्गयसे लाबा हिन्ना ।
गेताङ जिन्माहेन्स बोकिन्बाजुगुदा प्रमाणस्यो पिन्बा मुबा ।
