तिङ्ला आम्राङ्बा गोप्य ग्योइरि पाङ्ला
मिख्लिजुगु
मनसुनरि ताइबा झरीला फ्रुमजुगु ह्राङ्बान
मुजा परतिबा ग्राम्बाजुगुला कुलेसी ताबान
ङ्याम्बा कलिलो ग्राम्बाला ग्यालाम ताबान
तिङ काबा कुला ग्यालाम मार फाप्ला ।
मुतेबा फ्रुमजुगुरि
लाबा मुला ल्होलो राप
ह्रेच्छाक दुइला उन्बा
भावनादा शान्त स्होबा शान्तिला स्योङ
मिख्लि !
बिरहरि ब्योङ्बा मिख्लि
खासु क्लेसि पहाड ब्योङ्बाकेन लाबा उग्र झरीह्राङ्बान
रेला ह्यालरि चम्कप ताचिबा
ह्याल लिग्याम खर्च ताबा
ताङ्बाला मिख्लि
ङेबाला छ्याम स्याला, ल्हानान ह्याल दुइजुगुरि
ह्याल लि थोबाजुगु
केवाला उत्सव, याखारगि शुद्ध आनन्द
मुतेबा मिग्याम ताइबा मिख्लि–
शान्त फुसफुसे वर्षा ह्राङ्बान
गोल्छेसे ताइबा झरिसे
साल्बा (सफा) लाबाह्राङ क्याम्साङला दिनिब्ले
आत्मदा साङ लाला
होप्पबा चोटजुगु स्याल्ला
थुजे मुला
सातान छ्याम चिबा
प्रिय मिख्लि !
स्हुला नुप्बा नुप्पाःरि
थेरि खोबाजुगु ल्हानाह्राङ्बा कोर्ला
क्याल्बाकेन लाबा सेमजुगुदा
खर्च लाबा–
सहानुभूतिला मिख्लि
स्यान्दोला कुभलोला लागि
वैमानीपूर्वक उन्बा
म्राङ्बा उन्बारि ब्योङ्बा गोहीला ह्राङ्बान मिख्लि
समर्पणरि साझा ताबा भावना–
नुप्बा सम्बन्धला उर्वर स्होबारि
ब्योङ्बा मिख्लि–
कुटिसि चिबादा बोसि ब्योङ्बा मिख्लि
चेगाइला मिख्लि
भक्तिला बाङ छाबारि
कोन्ज्योसोमदा डान्सि ब्योङ्बा मिख्लि
प्रेमीला मिरि–
चेगाइला प्रमाण लि ल्होबा (छचल्किएको) मिख्लि
याखारगि आथुम्बा अज्ञात म्हाइबा
मिख्लिरि–
उपचार याङ्ला
मिख्लिरि ह्याङसे अनुग्रह याङ्ला ।
दोःबा : यकिना अगाध
