स्हु !

ओ प्रकृति आमा !
थे पाले आरेबा (निर्दोष) नाम्सा बस्तीजुगुरि
होन थेन डुइ दोसि
ए तिल्दा म्योचिबा ?
थेरि
दातेदोना नोन
साङ्गुलसे लोङ्ना लासि
तिङ दार्बा थेनचिबा आरे ।
एसे खाम्ला बिसाम
निउ थे याम्बुरिक्यार
ब्योङ पिन्गो सुनामी दोसिमाम
बोपिन्गो थे बालकोट, खुमलटार थेन बालुवाटारला क्वाटरजुगु
छ्यामरि
थे भ्रष्टचारी नेताजुगु थेन झोले कार्यकर्ताजुगु
बोर्गो कसिङ्गारदा ह्राङ सेङ्सिमाम
दोनालापिन्गो सप्तकोशी वाइना लासि काशीदोना ।
तासाइ फ्यास्हिङ मुला, प्रकृति आमा !
छाग गि अन्ना ह्रुप्बारि
धौ धौ ताजिबा थे बस्तीजुगुरि
एसे बितण्डा आउन्गो ।
बोरि,
सिंहदरबार न्हाङरि वाङ्सि
ब्योङपिन्गो मुतेबा नालायकजुगुदा ।
(सन् २०२४/१०/०४)

दोःबा : यकिना अगाध