कोकोम्हेन्दो ग्योइकाइ समाज कास्कीसे म्हेनिङला दुइसाङरि गान्बा गाम्सुङला काइरन (वयोबृद्धहरुसँग भलाकुसारी साथै सम्मान) गेताङ पोखरा महानगरपालिका वडा नं. १६ जैमुरी खरीकुना तामाङ ईकाइरि दोसि जिन्ना लामुला । गेन्दुनसे गोर ङ्हा ८० दिङ छ्योबा खेप्पाखुयुजुगु (सुुबर्नी ह्रामो तामाङ १०१, मनबहादुर डुमजन ९०, बीरबहादुर थिङ ८६, सेते थोकर ८०, फूलमाया लोप्चन ८०) दा डेन लामाहेन्से ह्रोनिसे ह्राङ्ला केवाला अनुभव थान्मुबा ।
गेताङला ग्रेनडोन्बो नेपाल तामाङ संघीय घेदुङला ग्रोइपा प्रताप वाईबासे कुङारि नाङ्साल म्रासि ठ्पाङ्सेन लाबान कोकोम्हेन्दो ग्योइकाइ समाजला ङ्हाउहेन्से तिनिदोनाला मुतेबा गतिविधि तामाङ समुदायला चौतर्फी विकासला लागि आउदिन महत्वपूर्ण मुबा थेन चुग्याम छार पुस्तासे ल्हानान ताम लोबा दुइसाङ मुबा ह्रोसे पाङ्जि ।
गेन्दुनला चोहो दीपक तामाङसे गेताङफिरि गोना लाबान तामाङ समुदायरि गोर सोम तरिकाग्याम ग्युइला स्रोत ब्योङ्ला बिसि पाङ्जि– गिक) लामा ङ्हि बोम्बो थेन सोम ताम्बा । सामाजिक ल्हुइदा नासी गोसि मिन्बा खेप्पाखुयु ह्याङ्ला लागि छोन्बो दोङराप हिन्ना । ह्रोनिसे दोङराप, ग्योइ, धर्म, ह्राङ्ला रिमठिम सम्बन्धी ग्युइ किन्बा थेन थेदा दस्तावेजिकरण लासि छार पुस्तारि पिन्बासे चु कोकोम्हेन्दो गेन्दुन ग्योइकाइरि जेक्खे सिमित आताना बहुआयमिक ढंगसे ङ्हाच्छा वाङ्तोबा ताम गोना लाजि ।
डेन याङ्बा नरबहादुर तितुङसे नोन चु गेताङफिरि कृतज्ञ पिन्मुबा । जैमुरी खरिकुना तामाङ इकाइला दिमम्हे मुल्मिजुगुला रुङ्बा पोप मुबा थे गेताङरि गौराइ मिनमाया डुम्जन, डेनताम पवित्रा तामाङसे थान्मुबा ।
गेताङ दीपक वाईबाला चोहोदानरि तामुबा ।
फोटोः दीपक तामाङला फेसबुकवाल ग्याम्से
