स्हेरला राप

होक फेबा थेन ह्रुप ताबा ङ्हो टिम
फेबा थेन थुइबा गान्दिला कुनि टिम ।

मिला मिख्लि न्हाङन्हाङरिन ङार्सि टिबा टिम
सुङफिला ताङबा न्हाङन्हाङरिन लासि टिबा टिम ।

पोर मुला तिङरि फान नोन आफान्बा टिम
मेह्राङ लासिन लुङसि टिमुला, साइबारि आखाम्बा टिम ।

जाम्बुलिङला रिमठिम नोन चुराङबान टिम
मानाप आलासाम म्योबाबिबा टिम ।

ङाइ ताकाब लाला मुढा … नेपाली उखान मुबा टिम
ङातान ताकाब लाबा तारि टिम ।

दुङालरि खालाइ पोप आताबा टिम
ताङबारिचा छाङमान पोप ताबा टिम ।

दोःबा : ईश्वर थोकर