चु म्हेनिङला दुइरि कादे आज्याब दुङाल ताजि
नाम डुइ गान्दिसे म्होकोनला दिम ह्वारि ब्योङ्जि
चु दुङालसे ह्युल्बा क्योङलान मिख्लि ताइजि
म्हेनिङ्ला दुइरि सिबा म्हाबा आज्याब भारज्या ताजि ।
ह्युल्ला ठिमरि स्युबा चोहोकादेसे चु दुङाल आम्राङ्नि
ह्याङला चु साङ्ग्युर ह्युल्ला ठिमरि आदोनि
चु दैव कादे निष्ठुरि ताजि ङानि प्राङ्बोला बिहाल लाजि
दारे सोबान मुबा म्हिकादे चाआम्याङना सिबा ताजि ।
तिगाइ चाबासे पिन्गाला वा बिसि डान्सि चिमुला
दिम ह्वारि चाबा स्हे ब्योङ्सि क्रासि चिमुला
चु दुइरि ह्युल्ला चोहोकादे ठिमखाङरि ताजि
तिलासे प्राङ्बोकादे तिगाइ आरेना ग्यालमरि ताजि ।
ह्युल्ला ठिमरि स्युबा चोहोकादेदा म्हेनिङला ज्याबा डान्बा
ङान्ना चिबा दिम ब्योङ्साइनोन ह्राङ्निदा ज्याबा डान्बा
चुपाल्सेला म्हेनिङ गुङरि ङानि विहाल तासाइ
ह्युल्लि दानछ्याबा चोहोकादेदा खाइमाइ आज्याब आतागाइ ।
घ्याङलेख गाउँपालिका वडा नं ५, बुदुमचुली, सिन्धुली
