बेलकोटगढी, नुवाकोट । नेपाल लोकतन्त्रवादी आदिवासी जनजाती महासंघला केन्द्रीय मुल्मि बाबुराम तामाङसे बेलकोटगढी नगरपालिकाला गोर ङ्हि क्लबदा जर्सी थेन फुटबल पिन्मुला ।
समाज कल्याण युवा क्लब थेन शुभविहानी युवा क्लबला क्लाङ्खेनजुगुदा थे स्हे पिन्बा हिन्ना । महासंघला केन्द्रीय मुल्मि बाबुराम तामाङसे गिक्खे गेताङला गुङरि क्लाङछ्योङजुगुदा ११ । ११ थान क्वान थेन २ । २ थान फुटबल पिन्बा हिन्ना ।
जिल्लारि क्लाङछ्योङदा ल्हेना लाबारि ओमक्लाङखेनजुगुदा प्रोत्साहन पिन्बाला लागि क्वान पिन्बा हिन्ना बिसि तामाङसे पाङ्जि । ह्रोसे ह्राङ्से खाम्देदोना सातान ह्रो लासेला का पिन्जि ।
गेताङरि ‘स्वास्थ्यला लागि क्लाङ (खेल), ह्युलला लागि क्लाङ ओम क्लाङखेनला लागि जेबा’ नाराला छ्याम क्लाङखेन थेन क्लबला पदाधिकारीजुगुसे बोकिन्मुबा ।
छिगला अर्थ :
क्लाङखेन : खेलाडी
क्लाङछ्योङ : खेलकुद
स्हे : सामाग्री
का : वचन
